Brustomakula pego

Kiel legi la taksonomion

Brustomakula pego

Brustomakula pego

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Birdoj Aves
Ordo:	Pegoformaj Piciformes
Familio:	Pegedoj Picidae
Genro:	Colaptes
Specio:	C. chrysoides

Dunomo

Colaptes chrysoides
(Malherbe, 1845)

Konserva statuso

Konserva statuso: Malplej zorgiga

Aliaj Vikimediaj projektoj

Sistematiko en Vikispecioj

Komunejo pri Brustomakula pego

v • d • r

La Brustomakula pego (Colaptes chrysoides) estas granda specio de birdo de la familio de Pegedoj, genro “Colaptes” kaj subfamilio Picinae, kiu loĝas en Ameriko, nome en partoj de Nordameriko kaj partoj de Centrameriko, nome en la dezertaj regionoj de Sonoro, Jumao kaj orienta Kolorado de sudokcidenta Usono kaj nordokcidenta Meksiko inkludante Kalifornia Duoninsulo escepte la plej nordokcidenta regiono.

Priskribo

Tiu ĉi nearktisa specio estas tre simila al la Brustornama pego, el kiu tiu ĉi diferenciĝas pro orflavaj subflugiloj kaj subvostoj distingaj el la ruĝecaj de la subspecio de Brustornama pego kiu troviĝas en la sama regiono. Ĉiukaze temas pri granda pego 29 cm longa kun bruneca supra kapo (ĝis okulo) kaj grizaj vizaĝo kaj kolo, ambaŭ partoj tre klare limigitaj. Grizbruna dorso kun horizontala nigra punktostriado kaj pli helgrizaj brusto kaj ventro kun vertikalaj linioj de nigraj klare markitaj punktoj. En supra brusto tiu ĉi specio montras la saman nigregan antaŭan kolumon kun formo de duonluno invertita, kiun montras ankaŭ la Brustornama pego, kaj pro tio ambaŭ specioj povus interŝanĝi siajn nomojn. La maskloj montras ruĝajn mustaĉajn bridojn.

Vivejo

La Brustomakula pego plej ofte konstruas sian neston en majesta kakto sagvaro. La Brustornama pego male nestumas en riverbordaj arboj kaj tre rare en sagvaroj. La Brustomakula pego foje hibridiĝas kun la Brustornama pego en la malgrandaj zonoj kie la teritorioj kaj habitatoj koincidas.

Referencoj

BirdLife International (2004). Colaptes chrysoides. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Ne minacata
Corman, T. E., Wise-Gervais, C. Arizona Breeding Bird Atlas. Albuquerque: University of New Mexico Press. (2005) ISBN 0-8263-3379-6.
National Geographic Society Field Guide to the Birds of North America, Third Edition. Washington, D.C.: National Geographic Society. (1999) ISBN 0-7922-7451-2.